"دل مرکز حجاب بنایا نہ جائے گا
ان سے بھی راز عشق چھپایا نہ جائے گا
سر کو کبھی قدم پہ جھکایا نہ جائے گا
ان کے نقوش پا کو مٹایا نہ جائے گا
بے وجہ انتظار دکھانے سے فائدہ
کہ دیجئے کہ سامنے آیا نہ جائے گا
آنکھوں میں اشک قلب پریشان نظر اُداس
اس طرح ان کو چھوڑ کے جایا نہ جائے گا
وہ خود کہیں تو شرح محبت بیان کروں
نغمہ بغیر ساز سنایا نہ جائے گا
بہتر یہی ہے ذکرِ محبت نہ چھیڑیے
نقشہ بگڑ گیا تو بنایا نہ جائے گا
دل کی طرف 'شکیل' توجہ ضرور ہو
یہ گھر اُجڑ گیا تو بسایا نہ جائے گا"
Dil markaz-e-hijab banaya na jayega
Un se bhi raz-e-ishq chhupaya na jayega
Sar ko kabhi qadam pe jhukaya na jayega
un ke nuqush-e-pa ko miTaya na jayega
Be-wajah intizar dikhane se fayeda
Kah dijiye ki samne aaya na jayega
Ankhon men ashk qalb pareshan nazar udaas
Is tarah un ko chhoḌ ke jaaya na jayega
Wo ḳhud kahen to sharh-e-mohabbat bayan karun
Naġhma baġhair saaz sunaya na jayega
Behtar yahi hai zikr-e-mohabbat na chheḌiye
Naqsha bigaḌ gaya to banaya na jayega
Dil ki taraf "shakeel" tawajjoh zarur ho
Ye ghar ujaḌ gaya to basaya na jayega
