ہم نے تجھے جانا ہے فقط تیری عطا سے
سورج کے اجالے سے فضاؤں سے خلا سے
چاند اور ستاروں کی چمک اور ضیا سے
جنگل کی خموشی سے پہاڑوں کی انا سے
پرہول سمندر سے ، پراسرار گھٹا سے
بجلی کے چمکنے سے کڑکنے کی صدا سے
مٹی کے خزانوں سے اناجوں سے، غذا سے
برسات سے، طوفان سے، پانی سے، ہوا سے
ہم نے تجھے جانا ہے فقط تیری عطا سے
گلشن کی بہاروں سے، تو کلیوں کی حیا سے
معصوم سی روتی ہوئی شبنم کی ادا سے
لہراتی ہوئی باد سحر، باد صبا سے
ہر رنگ کے ہر شان کے پھولوں کے قبا سے
چڑیوں کے چہکنے سے تو بلبل کی نوا سے
موتی کی نزاکت سے تو ہیرے کی جلا سے
ہر شے کے جھلکتے ہوئے فنکار اور کلا سے
ہم نے تجھے جانا ہے فقط تیری عطا سے
دنیا کے حوادث سے ، وفاؤں سے، جفا سے
رنج و غم آلام سے، دردوں سے، دوا سے
خوشیوں سے، تبسم سے، مریضوں کی شفا سے
بچوں کی شرارت سے تو ماؤں کی دعا سے
نیکی سے، عبادات سے، لغزش سے، خطا سے
خود اپنے ہی سینے کی دھڑکنے کی صدا سے
وحدت تیری ہر گام پہ دیتی ہے دلاسے
ہم نے تجھے جانا ہے فقط تیری عطا سے
ابلیس کے فتنوں سے تو آدم کی خطا سے
اوصاف ابراہیم سے، یوسف کی حیا سے
حضرت ایوب کی تسلیم و رضا سے
عیسیٰ کی مسیحائی سے، موسیٰ کے عصا سے
نمرود کے، فرعون کے انجام فنا سے
کعبہ کے تقدس سے تو مرویٰ اور صفا سے
تورات سے، انجیل سے، قرآں کی صدا سے
یٰسین سے، طٰہٰ سے، مزمل سے ، نبا سے
اک نور جو نکلا تھا کبھی غار حرا سے
ہم نے تجھے جانا ہے فقط تیری عطا سے
Hum ne tujhe jaana hai faqat teri ata se
Sooraj ke ujaale se, fazaon se khala se
Chaand aur sitaron ki chamak aur ziya se
Jangal ki khamoshi se, pahaaron ki ana se
Pehool samandar se, parsaar ghaata se
Bijli ke chamakne se, kadakne ki sada se
Mitti ke khazaanon se, anaajon se, ghiza se
Barsaat se, toofan se, paani se, hawa se
Hum ne tujhe jaana hai faqat teri ata se
Gulshan ki bahaaron se, tu kaliyon ki haya se
Masoom si roti hui shabnam ki ada se
Lehrati hui baad sahar, baad subha se
Har rang ke har shaan ke phoolon ke quba se
Chiriyon ke chehakne se, to bulbul ki nawa se
Moti ki nazakat se, to heere ki jala se
Har shey ke jhalkte hue funkaar aur kala se
Hum ne tujhe jaana hai faqat teri ata se
Duniya ke hawaadis se, wafaon se, jafa se
Ranj o gham alaam se, dardoon se, dawa se
Khushiyan se, tabassum se, mareezon ki shifa se
Bachon ki sharaarat se, to maon ki dua se
Neki se, ibaadat se, laghzish se, khata se
Khud apne hi sine ki dhadkane ki sada se
Wahdat teri har qaam pe deti hai dilaasa se
Hum ne tujhe jaana hai faqat teri ata se
Iblees ke fitnon se, to Adam ki khata se
Ausaf-e-Ibrahim se, Yusuf ki haya se
Hazrat Ayyub ki tasleem o raza se
Esa ki Masihi se, Musa ke aasa se
Nimrod ke, Firaun ke anjaam-e-fana se
Kaaba ke taqaddus se, to Marwah aur Safa se
Taurat se, Injeel se, Quran ki sada se
Yaseen se, Taha se, Muzammil se, Naba se
Ek noor jo nikla tha kabhi Ghaar-e-Hira se
Hum ne tujhe jaana hai faqat teri ata se
