مِرے رب کی مجھ پر عنایت ہوئی
کہوں بھی تو کیسے عبادت ہوئی
حقیقت ہوئی جیسے مجھ پر عیاں
قلم بن گیا ہے خدا کی زباں
مخاطب ہے بندے سے پروردگار
تو حُسنِ چمن، تو ہی رنگِ بہار
تو معراجِ فن، تو ہی فن کا سنگھار
مصور ہوں میں، تو میرا شاہکار
یہ صُبحیں، یہ شامیں، یہ دن اور رات
یہ رنگین، دلکش، حسیں کائنات
کہ حوروں، ملائک و جنات میں
کیا ہے تجھے اشرف المخلوقات
مری آزمائش کا حوالہ ہے تو
تو ہی روشنی ہے، اجالا ہے تو
فرشتوں سے سجدہ بھی کروا دیا
کہ تیرے لیے میں نے کیا نہ کیا
یہ دنیائے جہاں، بزم آرائیاں
یہ محفل، یہ میلے، یہ تنہائیاں
فلک کا تجھے شامیانہ دیا
زمیں پر تجھے آب و دانہ دیا
ملے آبشاروں سے بھی حوصلے
پہاڑوں میں تجھ کو دیے راستے
یہ پانی، ہوا اور شمس و قمر
یہ موجِ روا، یہ کنارہ، بھنور
یہ شاخوں پہ غنچے چٹختے ہوئے
فلک پہ ستارے چمکتے ہوئے
یہ سبزے، یہ پھولوں بھری کیاریاں
یہ پنچھی، یہ اُڑتی ہوئی تتلیاں
یہ شعلہ، یہ شبنم، یہ مٹی، یہ سنگ
یہ جھرنوں کے بجتے ہوئے جل ترنگ
یہ جھیلوں میں ہنستے ہوئے سے کنول
یہ دھرتی پہ موسم کی لکھی غزل
یہ سردی، یہ گرمی، یہ بارش، یہ دھوپ
یہ چہرہ، یہ قد اور یہ رنگ و روپ
درندوں، چرندوں پہ قابو دیا
تجھے بھائی دے کر کے بازو دیا
بہن دی تجھے اور شریکِ سفر
یہ رشتے، یہ ناتے، یہ گھرانہ، یہ گھر
کہ اولاد بھی دی… دیے والدین
الف، لام، میم، قاف اور عین، غین
یہ عقل و ذہانت، شعور و نظر
یہ بستی، یہ صحرا، یہ خشکی، یہ تر
اور اس پر کتابیں، ہدایت بھی دی
نبی بھی اتارے، شریعت بھی دی
غرض کہ سبھی کچھ ہے تیرے لیے
بتا! کیا کیا تُو نے میرے لیے؟
Bata Kiya Kya Tune Mere Liye
Mere Rab Ki Mujh Per Inayat Hui
Kahoon Bhi To Kese Ibadat Hui
Haqeqat Hoi Jese Mujh Per Ayaan
Qalam Ban Gya Hai Khuda Ki Zuban
Mukhatib Hai Banday Se Parwardigar
Tu Husn e Chaman Tu He Rang e Bahaar
Tu Miraj e Fun Tu He Fun Ka Singhar
Musavvir Hoon Mein Tu Mera Shahkaar
Ye Subhey Ye Shamey Ye Din Or Raat
Ye Rangeen Dilkash Haseen Kainat
Ke Huroon Malaik O Jinnat Mein
Kiya Hai Tujhy Ashrafulmakhluqat
Meri Azmatoon Ka Hawala Hai Tu
Tu Hi Roshni Hai Ujala Hai Tu
Farishtoon Se Sajda Bhi Karwa Diya
Ke Tere Liye Mein Ne Kiya Na Kia
Ye Dunai Jahaan Bazm Arayiaan
Ye Mehfil Ye Mele Ye Tanhayiaan
Falak Ka Tujhy Shamyana Dia
Zameen Per Tujhy Aabo – Daana Dia
Mile Aabsharoo Se Bhi Hoslen
Pahadoo Mein Tujh Ko Diye Rastay
Ye Pani Hawa Or Shams O Qamar
Ye Moj e Rawa Ye Kinara Bhanwar
Ye Shakhon Pey Ghunchay Chataktay Howey
Falak Pey Sitarey Chamaktay Howay
Ye Sabzay Ye Pholoon Bhari Kiyariyaan
Ye Panchi Ye Udti Hui Titliyaan
Ye Shola Ye Shabnam Ye Mitti Ye Sang
Ye Jharnon Kay Bajtay Hue Jal Tarang
Ye Jhilon Mein Haste Hue Se Kanwal
Ye Dharti Pey Mosam Ki Likhi Ghazal
Ye Sardi Ye Garmi Ye Barish Ye Dhoop
Ye Chehra Ye Qad Or Ye Rang o Roop
Darindoon Charindoon Pe Qaboon Diya
Tujhy Bhai De Kar Ke Bazoon Diya
Behan Di Tujhy Or Shareek e Safar
Ye Rishtay Ye Natay Ye Gharana Ye Ghar
Kay Aulaad Bhi Di …Diye Waledain
Alif Laam Meem Qaaf Or Aeen Gain
Ye Aqal o Zahanat Shaoor o Nazar
Ye Basti Ye Sehra Ye Khushki Ye Tar
Or Us Per Kitabain Hidayat Bhi Di
Nabi Bhi Utare Shariyat Bhi Di
Garaz Ke Sabhi Kuch Hai Tere Liye
Bta Kya Kiya Tune Mere Liye
