Welcome To Urdu Shayari

tum apne aqidon ke neze 
har dil men utare jaate ho 

ham log mohabbat vaale hain 
tum ḳhanjar kyuun lahrate ho 

is shahr men naġhme bahne do 
basti men hamen bhi rahne do 

ham palanhar hain phulon ke 
ham ḳhushbu ke rakhvale hain 

tum kis ka lahu piine aa.e 
ham pyaar sikhane vaale hain 

is shahr men phir kya dekhoge 
jab harf yahan mar ja.ega 

jab teġh pe lai kaT ja.egi 
jab sher safar kar ja.ega 

jab qatl hua sur sazon ka 
jab kaal paḌa avazon ka 

jab shahr khanDar ban ja.ega 
phir kis par sang uThaoge 

apne chehre a.inon men 
jab dekhoge Dar jaoge 

Mere hujre me nahi aur kahi par rakh do
Aasmaan laaye ho le aao zameen par rakh do

Maine jis taaq me kuch toote deeye rakhe hain
Chaand taaron ko bhi le jaake wahi par rakh do

Ab kahan dhoondhne jaoge hamaare Qaatil
Aap to qatl ka ilzaam hami par rakh do

Ho wo jamuna ka kinaara ye koi shart nahi
Mitti mitti hi me rakhni hai kahi par rakh do

Muflis Jo Agar Tan Ki Qabaa Bech Raha Hai
Waaiz Bhi Mimbar Pe Dua Bech Raha Hai

Dono Ko Hai Dar-Pesh Sawaal Apne Shikam Kaa
Ek Apni Khudi, Ek Khudaa Bech Raha Hai.