Welcome To Urdu Shayari

Rangat Teri Zulfon Ki Ghataon Ne Churai
Khushbu tere anchal se havaon ne udai
paimane ka dil tut na jaye to kahun main
hai chiz Gazab ki jo nigahon ne pilai
qaidi teri zulfon ka hai azad jahan se
mujh ko ye rihai to sazaon ne dilai
mana ki baharon ne khilaya hai gulon ko
ulfat ki kali dil men vafaon ne khilai
tham-tham ke barasana kabhi jham-jham ke barasana
savan ko ada ye mere ashkon ne sikhai
manzil pe pahunch kar ‘Nasim’ ehasas hua hai
jis rah se pahuncha ye Khataon ne dikhai

duniya ne hum pe jab koi ilzam rakh diya
humne muqabil uske tera naam rakh diya
eik khaas hadd pe aa gai jab teri berukhi
naam uska humne gardish-e-ayaam rakh diya
mein larkarata raha hon tujhe dekh dekh ker
tunay tou mere samne eik jaan rakh diya
kitna sitam-zareef hai woh saheb-e-jamaal
usne diya jala ke lab-e-baam rakh diya
abb jis ke jee mein aaye wahi paye roshni,
hum ne tou dil jala ke sar-e-aam rakh diya,
kya maslehat-shanaas tha woh admi ~Qateel,
majbooriyoN ka jisne 'wafa' naam rakh diya,

ISHQ ME HUM TUMHEN KIA BATAYEN KIS QADAR CHOT KHAYE HUE HAIN
MOUT NE HUM KO MARA HA AUR HUM ZINDAGI KE SATAYE HUE HAIN
AE LAHAD APNI MITI SE KHA DE DAGH LAGNE NA PAYE KAFAN KO
AAJ HI HUM NE BADLE HAIN KAPDE AAJ HI KE NAHAYE HUE HAIN
DUSHMANO KI SHIKAYAT HA BEJA DOSTON SE GILA KIA KAREN GEN
JHAR CHUKE JIN DARKATON KE PATE PHIR KAHAN UNKE SAYE HUE HAIN
KIA HA ANJAM-E-ULFAT PATANGO JA KE SHAMA KE NAZDEEK DKEHO
KUCH PATANGO KI LASHEN PAREN HAN PAR KISI KE JALAYE HUE HAIN
UN KI TAREEF KIAA POOCHTE HO UMER SARI GUNHAON ME GUZRI
PARSA BAN RAHEN HAIN WOH AISE JAISE GANGA NAHAYE HUE HAIN