duniya ne hum pe jab koi ilzam rakh diya
humne muqabil uske tera naam rakh diya
eik khaas hadd pe aa gai jab teri berukhi
naam uska humne gardish-e-ayaam rakh diya
mein larkarata raha hon tujhe dekh dekh ker
tunay tou mere samne eik jaan rakh diya
kitna sitam-zareef hai woh saheb-e-jamaal
usne diya jala ke lab-e-baam rakh diya
abb jis ke jee mein aaye wahi paye roshni,
hum ne tou dil jala ke sar-e-aam rakh diya,
kya maslehat-shanaas tha woh admi ~Qateel,
majbooriyoN ka jisne 'wafa' naam rakh diya,
Writer
