Qissay Meri Ulfat Ke Jo Marqoom Hain Saare
Aa Dekh Tere Naam Se Mosoom Hain Saare

Bus Is Liye Har Kaam Adhoora Hi Pada Hai
Khaadim Bhi Meri Qaum K Makhdoom Hain Saare

Ab kon Mere Paaon Ki Zanjeer Ko Kholay
Haakim Meri Basti Ke Bhi Mehkoom Hain Saare

Shayed Yeh Zarf Hai Jo Khamosh Hun Ab Tak
Warna To Tere Aeib Bhi Maloom Hain Saare

Sub Jurm Meri Zaat Se Mansoob Howy "Mohsin"
Kya Mere Siwa Shehar Mein Masoom Hain Saare